• Македонски Телеком ја прави 5G технологијата достапна за секого со воведувањето на T Tablet и новите надградени T Phones

• Со екран од 10,4 инчи и време на траење на батерија до 13 часа, T Tablet е совршен за стриминг, забава, пребарување и учење во движење.

Македонски Телеком, како дел од Групацијата Дојче Телеком, е посветен на зголемувањето на 5G поврзаноста за своите корисници, без разлика дали станува збор за инвестиции во инфраструктура, обезбедување мрежа, развој на тарифи или достапност на уреди.

Покриеноста со 5G која до крајот на годината ќе биде 70% нè доближува до вистинска дигитална иднина. Пропусниот опсег и неверојатните брзини од петтата генерација на технологии овозможуваат моментален и постојан пристап до сите потребни ресурси за поврзан живот. И додека 5G мрежата станува широко достапна, растечкиот јаз меѓу оние кои можат и оние кои не можат да си дозволат уреди со 5G сè повеќе се зголемува.

Лансирањето на новиот T Tablet со достапна цена ќе и овозможи на пошироката популација пристап до можностите кои ги отвора 5G технологијата на повеќе полиња, од забава до образование.

Уредот има екран од 10,4 инчи, со можност за eSIM, предна камера од 8 MP и опција за складирање од 128GB или 2TB со Micro SD.

T Tablet, исто како T Phone, е резултат на партнерството на Дојче Телеком со Google, креиран за да обезбеди 5G пристап за секого – и е беспрекорна комбинација на хардвер, софтвер и мрежа. Уредот вклучува пристап до Google Kids Space, Google Entertainment Space и како дополнителна придобивка, 100GB простор за складирање на облак на Google One, во пробен период од три месеци.

„Горди сме што новиот Т Tablet се приклучува на семејството 5G уреди достапни за секого, заедно со T Phone и T Phone Pro. Со овие уреди, сè повеќе наши корисници можат да уживаат во безбројните можности на нашата 5G мрежа којашто постојано се шири. Посветени сме да ги поврземе сите и секаде, не само со најдобра мрежа, туку и со достапни уреди, затоа што веруваме во еднакво дигитално општество и широка употреба на технологијата“. – изјави Емилија Андоновска, Главен директор за приватни корисници.

Заедно со воведувањето на новиот T Tablet, Македонски Телеком ги претставува и новите надградени модели на T Phone и T Phone Pro: со нови бои - „Месечево сина“ (T Phone Pro) и „Прашливо сива“ (T Phone), двојно повеќе ROM меморија, NFC на T Phone, надградена предна камера на T Phone и Android 13 на двата уреди.

T Tablet и новите надградени модели на T Phone и T Phone Pro, исто така по достапни цени, ќе бидат во продажба од 24 август, заедно со низа нови додатоци од брендот Т, како што се футроли за телефони со заштитно стакло или безжични слушалки со функција за активно поништување на шум.

Претставувањето на овие 5G уреди на македонскиот пазар е дел од планот за воведување меѓународни производи на пазарите каде што е присутен Дојче Телеком - кои освен во Македонија ќе бидат достапни и во: Австрија, Хрватска, Чешка, Германија, Унгарија, Црна Гора, Полска, Романија, Словачка и САД.

Целосни спецификации

	Т Tablet
Екран	10,36” FHD; 2000x1200; 60Hz; 15:9 сооднос
Задна камера	Задна страна: Систем со двојна камера 8MP главна + 2MP длабочина
Предна камера	Селфи камера од 8MP
Дигитално зголемување	Да;
Големина	Екран од 10,4 инчи
Резолуција	2000*1200, ~ 220ppi
Процесор и чипсет	MediaTek Dimensity 700 / Octa Core - 2* 2,2GHz + 6*2GHz
Оперативен систем	Android 13
Боја	Темно сива
Батерија	7000 mAh Батеријата може да се замени
RAM/ROM	6GB/128GB (Micro SD 2TB)
LTE DL/UL	390/150
5G	Да
VoLTE и VoWiFi	не (нема гласовна поддршка)
WIFI	WiFi 5
NFC	Нема
BT	5.1
Модем	MT6833
Брзо полнење	15W (5V3A)
SIM/MC	Двојна SIM; eSIM+ Нано SIM + Микро SD слот
AOB	2 ажурирања на Android оперативен систем 4 години одржување на софтверска поддршка (MR) 3 години месечно Google SMR, 4-та година квартални SMR
Димензии	157,1 * 247,6 * 7,85 mm
Заштита од вода и прашина	IP 52
Тежина	488 грама

Надградени карактеристики во споредба со изданието од 2022 година означено во магента боја:

	T Phone	T Phone Pro
Екран	6,52 “ HD + w/2,5D стакло	6,82 “ HD + w/2,5D стакло
Камери	Задна страна : 50MP, 2MP, 2MP + LED Предна страна: 8MP 2K @ 30 fps видео	Задна страна: 50MP, 5MP, 2MP, 2MP Предна страна: 16MP 2K @ 30fps видео
Дигитално зголемување	Уредите поддржуваат дигитално зголемување и има посебна макро камера на двата уреди.
Меморија	4GB RAM / 128GB ROM / до 2 TB SD картичка	6GB RAM / 256GB ROM / до 2 TB SD картичка
Батерија	од 4500 mAh / 26 часа VoLTE време за разговор	од 5000 mAh / 25 часа VoLTE време за разговор
	Батеријата може да се замени
SIM/MC	SIM + MC	SIM + MC
Безбедност	Отклучување со лице, сензор за отпечаток од прст	Отклучување со лице, сензор за отпечаток од прст
Заштита од вода и прашина	IP52	IP52
NFC/Bluetooth	Да	Да
Безжично полнење	Нема	Да, 10W
Брзо полнење	Да, 15W	Да, 15W
Оперативен систем	Android 13	Android 13
Чипсет	MediaTek Dimensity 700 / Octa Core - 2* 2,2GHz + 6*2GHz	MediaTek Dimensity 700 / Octa Core - 2* 2,2GHz + 6*2GHz
Аудио квалитет	Двата уреди поддржуваат спецификации за HD Voice и EVS квалитет.
Бои	Прашливо сива	Месечево сина
Димензии	166,6 X 76,4 X 8,76 mm	173,92 X 77,4 X 8,99 mm
Тежина	195 грама	214 грама
Може да се поправи	Да	Да

Прес центар

{{Title}}